السلام عليكم ورحمه الله وبركاته
ازيكم كلكم عاملين ايه؟
يارب تكونوا بخير
جايبالكم موضوع بقى انما اية
تفتكري هما بيعاملونا ازاى؟
اقولكم ازاى
دلوقتى حنشوف
لو عاملتيه حلو يقولوك واقعة فى هوايا
وان معبرتيهوش يقول عليكي مغرورة ومناخيرك في السما
لو لبستي حلو واتشيّكتي يقول بتعمل كده عشان تلفت نظري ليها
ولو انتي عمليّة شوية يقول عليكي فلاّحة
***********
لو اتناقشتي معاه هيقول عليكي عنيدة
ولو سكتّي هيقول عليكي مخك فاضي
لو انتي أذكى منه هيدّيكي الوش الخشب
ويا سلام لو هوّ اذكى منك.. هتتفرّجي
لو مش بتحبيبه هيحاول يتملّكك
ولو انتي بتحبيه وكنتي عبيطة وبيّنتى حبك ليه بسرعة هيحاول يسيبك
***********
لو قلتيله على مشاكلك هيقول عليكي مزعجة
ولو مقولتيش هيقول انك مش بتثقي فيه
لو حاولتي تنصحيه هيقول عليكي عايزة تتحكمي فيه
ولو هو اداكي أمر (قصدي نصيحة !!!) ده لانّه بيخاف عليكي
***********
لو حصل ووعدتيه بحاجة ومعملتيهاش هتبقي مش موضع ثقة
اما هوّ لو خلف وعده فده غصب عنه.. اضطر
لو انتي حليتي حلو فى الامتحانات يقولك ده حظ
اما هو لو حل حلو يقولك ذكـاء
لو جرحتيه تبقى قاسية ومعندكيش قلب
اما لو جرحك فيقولك انتي حساسة اوي ومكبرة الموضوع وهوّ مايستاهلش؟؟
طبعا لما الولاد يشوفوا لموضوع ده هيقولوا مش صحيح
ولو مشافوهوش هيقولوا علينا انانين
واحنا علشان ديموقراطيين فهنخلى البنات والولاد يشوفوا
واللى مش هايعجبوا هيقول بنات اخر زمن
تحياتي للجميع
ده رد بسيط ياجميل على موضوع رد فشر البنات
موضوع: تعالوا شوفوا حركات الولاد النص كوم 
الخميس ديسمبر 10, 2009 7:21 am